Tədbirin əsas məqsədi əqli imkanları məhdud olan şəxslərin üzgüçülük idman növünə cəlb edilməsi, onların fiziki inkişafının dəstəklənməsi və cəmiyyətə inteqrasiyasının gücləndirilməsi idi. Yeni yaradılan üzgüçülük bölməsi iştirakçılara peşəkar məşq imkanları təqdim etməklə yanaşı, onların sosial bacarıqlarının inkişafına da töhfə verdi.
Açılış mərasimində Xüsusi Olimpiya Komitəsinin və Üzgüçülük Federasiyasının nümayəndələri, məşqçilər, idmançılar və media nümayəndələri iştirak etdilər.
Tədbir çərçivəsində iştirakçılar üçün nümunəvi çıxışlar, tanışlıq proqramı və məşq prosesi ilə bağlı təqdimatlar keçirildi.
Azərbaycan Respublikası Xüsusi Olimpiya Komitəsi gələcəkdə də bu kimi layihələrin həyata keçirilməsi ilə inklüziv idmanın inkişafına və sağlam həyat tərzinin təşviqinə davam edəcək.
